[:mk]

Националниот парк Маврово во соработка со Македонското еколошко друштво (МЕД) одржа работилница посветена на методот на фото – замки. Оваа работилница ја водеа претставниците на МЕД задолжени за имплементација на Програмата за закрепнување на балканскиот рис, а присуствуваа сите ренџери вработени во паркот. Работилницата започна со презентација за историјатот на методот, главните принципи и неговата применливост.

Потоа, учесниците се поделија во групи каде се работеше на идентификација на рисови од сесијата во 2013 година и градење на календар за проверка.

Оваа работилница беше организирана во склоп на Акциониот план за заштита на балканскиот рис во Маврово и активноста Зголемување на капацитетите на НП Маврово, каде се предвидени уште три работилници. Во овој акционен план е предвиден и редовен мониторинг на рисот и неговиот плен за што паркот и МЕД почнаа со спроведување на четвртата интензивна сесија со фото – замки.

На работилницата поканети беа и присуствуваа учениците од одделенска настава од ОУ Денче Дејаноски од Маврови Анови при што добија значајни информации за карактеристиките на Рисот и исто така добија ветување дека ќе бидат посетени во нивното училиште од страна на МЕД и Националниот парк Маврово каде ќе се одржи пообемна презентација за Балканскиот Рис и за проектот воопшто која ќе биде адаптирана за нивната возраст.

[:]

Остави Коментар

Вашата адреса за е-пошта нема да биде објавена. Задолжителните полиња се означени со *

Можете да ги користите следниве HTML тагови и атрибути:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

[jw_easy_logo slider_name="Logos Slider"]