Global Conservation во посета на НП Маврово

08.01.2025
Денес на наше огромно задоволство во посета на Националниот парк Маврово беше директорот на регионот Евроазија при Global Conservation Mustafa Gönen посветен борец за заштита на животната средина и голем пријател на паркот.
Во управата на паркот Mustafa Gönen и директорот на НП Маврово Харис Ибраими заедно со дел од вработените во паркот имаа состанок на кој се разговараше за досегашната соработка и за плановите во иднина.
Се разговараше за многу проекти и активности за заштита на биодиверзитетот, развој на туризмот, локалниот економски развој, менаџмент планот, прекугранична соработка и сл.
Директорот Харис Ибраими му се заблагодари на Мустафа и неговата организација за досегашната соработка и континуираната подршка како и личната ангажираност за доброто на паркот.
Се донесе заклучок да се продолжи соработката и заедно Global Conservation и НП Маврово да направиме многу работи за просперитетна иднина на паркот.