Информација за почеток на сезона за спортски риболов на водите во НП Маврово 2025
Ве известуваме дека од 01.02.2025 година (Сабота) започнува сезоната за спортски риболов на Мавровско Езеро и река Радика во Националниот парк Маврово и ќе трае до 31.10.2025 година
Денови кои се дозволени за спортски риболов се:
Мавровско Езеро
- Од 01.02.2025 година до 01.06.2025 година дозволени денови за риболов се: петок, сабота, недела и државни празници.
- Од 01.06.2025 до 31.10.2025 година риболовот ќе биде дозволен секој ден.
- За периодот од 01.10.2025 до 31.10.2025 спортскиот риболов на Мавровско Езеро ќе биде дозволен секој ден за сите видови риби освен за ПАСТРМКА која е во период на природен мрест
Река Радика и притоки
- Дозволени денови за риболов од 01.02.2025 година до 30.09.2025 година се: петок, сабота, недела и државни празници.
- Во месеците јули и август риболовот ќе биде дозволен секој ден
ЦЕНОВНИК ЗА РИБОЛОВНИ ДОЗВОЛИ ЗА СПОРТСКИ РИБОЛОВ НА ВОДИТЕ ВО НП МАВРОВО
- Дневна риболовна дозвола – 300,00 денари
- Годишна риболовна дозвола – 5.000,00 денари
- Годишна риболовна дозвола за ученици, студенти и пензионери – 3.000,00 денари
Услов за добивање на годишна риболовна дозвола за ученици, студенти и пензионери е приложување на соодветен документ (чек од пензија, документ за ученик или студент)
Ј.У. НАЦИОНАЛНИОТ ПАРК „МАВРОВО“ ОВАА ГОДИНА ВОВЕДУВА СУБВЕНЦИОНИРАНИ ЦЕНИ ЗА СИТЕ ВИДОВИ НА ДОЗВОЛИ ЗА ЖИТЕЛИТЕ НА НП МАВРОВО
ЦЕНОВНИК ЗА РИБОЛОВНИ ДОЗВОЛИ ЗА СПОРТСКИ РИБОЛОВ НА ВОДИТЕ ВО НП МАВРОВО ЗА ЖИТЕЛИ НА ПАРКОТ
- Дневна риболовна дозвола – 100,00 денари
- Годишна риболовна дозвола – 2.500,00 денари
- Годишна риболовна дозвола за ученици, студенти и пензионери – 1.500,00 денари
Услов за добивање на Дневна риболовна дозвола за жители во паркот е приложување на лична карта.
Услов за добивање на Годишна риболовна дозвола за жители во паркот е приложување на лична карта.
Услов за добивање на Годишна риболовна дозвола за пензионери, ученици и студенти кои се жители на паркот е приложување на лична карта и соодветен документ (чек од пензија, документ за ученик или студент)
Дозволи можат да се набават во Информативниот туристички центар во Маврови Анови.
Дневна риболовна дозвола може да се купи и преку електронски систем на www.npmavrovo.mk во делот за БИЛЕТИ или на следниов линк https://npmavrovo.mk/buy/130
За да купите дневна риболовна дозвола преку електронскиот систем мора да имате ВАЖЕЧКА E-MAIL адреса на која ќе добивате потврда за уплата. Уплатата може да се изврши со сите видови на платежни картички.
НАПОМЕНУВАМЕ дека обврската да поседувате ЛЕГИТИМАЦИЈА ЗА СПОРТСКИ РИБОЛОВ со платена членарина за тековната година е задолжителна за сите типови на дозволи.
Податоците кои ги внесувате при купување на дозвола преку електронскиот систем (на пр. бројот на риболовна легитимација) мора да се точни и веродостојни. Со штиклирањето на опцијата ПОТВРДА ЗА ТОЧНОСТ НА ПОДАТОЦИТЕ вие потврдувате дека поседувате соодветна риболовна легитимација со платена членарина – маркица за 2025г. При контрола од страна на ренџерската служба или друг овластен државен орган, секој кој поседува риболовна дозвола извадена преку електронскиот систем покрај повратниот маил од кој ќе го добие на својата адреса како потврда за извршена уплата должен е да приложи и важечка риболовна легитимација. За давање на неточни информации се одговара согласно законите.
Дозволата (со истиот реден број кој ќе го добиете преку електронскиот систем) која ќе ја купите по електронски пат ќе биде пополнета и во хартиена форма. Доколку имате потреба, дозволата во хартиена форма може да си ја подигнете во Информативниот туристички центар во Маврови Анови.
Ј.У.Н.П. Маврово ги замолува сите спортски риболовци да ги почитуваат законските одредби, забраните за риболов на одредени видови на риба во одредени периоди од годината, а исто така да водат евиденција и за бројот на дозволени парчиња за улов како и нивната големина.
ПРАВИЛАТА ЗА ОДНЕСУВАЊЕ ПРИ СПОРСКО-РЕКРЕАТИВЕН РИБОЛОВ ВО ВОДИТЕ НА ТЕРИТОРИЈАТА НА НАЦИОНАЛНИОТ ПАРК МАВРОВО МОЖЕТЕ ДА ГО ПРЕВЗЕМЕТЕ ТУКА
Со почит.
Ј.У.Н.П. Маврово
