Под покровителство на Министерството за земјоделство, шумарство и водостопанство, Општина Маврово и Ростуша, Националниот парк Маврово, Регионалното здружение на одгледувачи на овци од Западна Македонија, Факултетот за земјоделски науки и храна и Институтот за сточарство, во близина на скијачкиот центар во Маврово, по осми пат се одржа манифестацијата „Ден на одгледувачите на овци и кози“.

Во своето обраќање, градоначалникот на општина Маврово-Ростуша, г-дин Мукрем Мехмеди, истакна дека целта на оваа манифестација е на нашите пасишта да се врати бројот на овци од минатото, и со низа мерки да се поттикне локалното население својот економски бенефит да го најде во овчарството.

Заменик-министерот за земјоделство, шумарство и водостопанство, г-динот Зоран Коњаноски истакна дека анализите покажуваат дека без силна поддршка на земјоделците, а и на сточарите, нема да имаме успех, бидејќи условите пред 30-40 години биле поинакви од оние денес, и токму од тие причини е неопходно да се обезбеди уште посилна поддршка за овчарството. Тој истакна дека бројот на овци постепено се зголемува, и тоа може да се види и од последните податоци од Заводот за статистика, а воедно истакна дека се задоволителни и резултатите од преработката и производството на млеко.

Во рамки на манифестацијата се одржаа натпревари во молзење и стрижење овци, изложба на автохтони колекции на овци, демонстрација на машинско молзење и стрижење овци и изложба на кучиња од расата македонски овчарски пес „шарпланинец“ сето тоа збогатено со културно-уметничка програма.

На крај манифестацијата заврши со заеднички ручек и со доделување на признанија за најуспешните.

Во натпреварот во молзење на овци во мошне голема конкуренција првото место го освои Осман Усеинов од село Дедели кај Валандово, а во натпреварот во брзо стрижење на овци, најуспешен беше овчарот Ратодер Асад од Велес.

This slideshow requires JavaScript.

Остави Коментар

Вашата адреса за е-пошта нема да биде објавена. Задолжителните полиња се означени со *

Можете да ги користите следниве HTML тагови и атрибути:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Logos Slider