Прв Ice climbing & dry tooling – качувачки собир во Маврово

И покрај лошите временски услови, на 20.02.2016 иницијаторите на овој настан успешно ги реализираа сите предвидени активности од – Ice climbing & dry tooling – качувачкиот собир, кој оваа година за прв пат се организира на териоторијата на Националниот парк Маврово.  Настанот се реализираше  на карпите кои се во непосредна близина на месноста Састав Река на патот кон с.Стрезимир и врвот Голем Кораб. Ова е втора локација која што во период од неколку месеци се обележува и промовира во меѓусебна соработка на СКК Вардар и ЈУНП “Маврово”.