Продолжува обуката за водачи во планина во НП Маврово
Во рамките на Обуката за водачи во планина што се реализира во рамките на проектот „НП Маврово за младите – Едукација, Партнерство, Иднина финансиран од Паркови Динариди а инплементиран од Македонската Асоцијација за Интернационални Водачи во Планина се одржа дводневен семинар кој вклучуваше теренскаи теоретска обука. Овој тренинг се реализираше на територијата на НП Маврово на 16 и 17.02.2019 и се обработуваа следниве содржини:
- Навигација во зимски услови
- Изработка на бивак во зимски услови
- Движење по заснежена падина
- Анализа на снегот и процена на лавинската опасност
- Спасување во лавини (пребарување со сонди, детектори и укажување прва помош)
- Специфики на спасителните активности во зимски услови
Обуката е веќе во поодмината фаза а кандидатите успешно го совладуваат предвидениот материјал. По завршувањето на обуката Националниот парк Маврово ќе ја промовира новата група на водачи во планина како партнери кои заеднички ќе придонесуваат за развој и унапредување на туризмот на територијата на паркот.
