Потпишан Протокол за соработка помеѓу Ј.У.Н.П. Маврово и Меѓународниот Балкански Универзитет (М.Б.У.)

На денешниот состанок помеѓу директорот на Ј.У.Н.П. Маврово г-дин Самир Ајдини и претставници на Меѓународниот Балкански Универзитет г-дин Шенер Билали – проректор на МБУ, г-дин Џемил Бектовиќ – декан на МБУ и г-дин Сеид Таировиќ – асистент професор на МБУ беше потпишан Протокол за соработка помеѓу овие две институции. Главните цели на соработка предвидени со овој протокол се:

– Реализација на активности во рамките на Националниот парк, запознавање на студентите и вработените во универзитетот со природните, културните и туристичките вредности на Националниот Парк.

– Соработка при организирање и реализирање на конференции, семинари и презентации од страна на Универзитетот и Националниот Парк, во партнерство со образовните институции на централно и локално ниво, невладините организации и други субјекти кои споделуваат исти цели со Универзитетот и Националниот Парк.

– Поттикнување на научно-истражувачката дејност во разни области од науката и реализирање на заеднички истражувања од страна на претставници на двете институции.

– Овозможување на услови за доделување на стипендии за најуспешните и најталентираните ученици и студенти, организирање на разни активности во сферата на науката, културата, уметноста, спортот и нивна промоција пред пошироката јавност.